Ek is ....

Terwyl ‘n vrou eendag bid, vra sy:

“Wie is U, Here?”

Hy antwoord haar toe: “EK IS.”

“Maar wie is EK IS?”, vra sy moedeloos.

Sy sagte antwoord het haar gemoed laat volskiet, want sy hoor:

“EK IS Liefde;

EK IS Vrede;

EK IS Genade;

EK IS Vreugde;

EK IS die Weg,

die Waarheid en die Lewe;

EK IS die Lig;

EK IS jou Vertrooster;

EK IS Krag;

EK IS die Skepper;

EK IS die Alfa en die Omega -

Die Begin en die Einde.”

Met trane in haar oë vra die vrou sag:

“Maar, Here, wie is ek dan?”

Terwyl God saggies haar trane afvee, fluister Hy in haar oor:

“Jy….Jy is Myne….”